اخطاء منتشرة في السي في

المهم في سي في 

لازم تعمل سي في كويس لان السي في يعتبر التذكره اللي هتدخلك الشركة عشان تعرفهم بنفسك اكتر وتقنعهم انك افضل واحد للوظيفة

بعض الاخطاء اللي شفتها تاني : 

1- مفيش داعي اطلاقا في بداية السي في تكتب كلمه CV او My CV او Curriculum Vitae

2- الخبرات الوظيفية لازم تكتب الفتره الزمنيه يعني من شهر يناير 2017 الي فبراير 2019 مثلا لاني شفت سي في مش كاتب اي تاريح للاسف كده الاتش ار اللي هيشوف السي في اصلا مش هيعرف انت اشتغلت فتره قد ايه في كل شركة

3- كمان ال Title بتاعك في كل شركة في ناس بتكتب انا اشتغلت في شركة كذا بس كده من غير ما تكتب الوظيفة بتاعتك ايه

4- الالوان يا جماعه واحد عامل السي في فيها لون احمرر وازرق مع الاسمر 

5- بلاش تحط صورتك الا اذا طلبو منك

6- لقيت واحد حاطط لنك الفيس بوك وتوتير وجوجل بلس بتاعه تخيلو 

7- العنوان مش مكتوب في واحد كاتب Address: EGYPT 

8- في واحد كاتب Objective بتاعته نصف صفحة وباين انها تمبلت كوبي بيست فكر وشوف الاتشر ار هيقراها ولا لا وهتاخد وقت قد ايه لو قراها

9- الاخطاء الاملائية بالجمله ومفيش علامات ترقيم

10 - واحد كمان حاطط 7 الوان في السي في 

11- في واحد كاتب Font غريب لدرجه اني اخدت وقت علي ما عرفت الكلمه ايه

12 - للاسف في واحد حاطط في نهاية السي في الشهادات كلها اللي واخدها مش قصدي انها مكتوبه اقصد انها attached بعد السي في حاطط كل الشهادات بتاعته

13- اغرب حاجه شفتها ان في حد عامل السي في عن طريق موقع او برنامج وبعد ما عمله مكتوب جمله طويله بتقول انه اتعمل من خلال كذا بخط باهت بطول السي في زي المذكرات اللي بتتعمل ايام الجامعه حاجه غريبه جدا جدا 

14 - السي في word or PDF للاسف في ناس بتبعت صورة 

15 - بلاش تسمي الملف بتاع السي في My CV خليه باسمك 

16- لما تبعت علي الايميل ااكتب عنوان الايميل اسم الوظيفة 

by/Ahmed shaaban